وأدلي عريس الدقهلية أمام النيابة باعترافات تفصيلية، حيث قال المتهم: "اللي حصل إن أنا كان فرحي يوم الخميس اللي فات وكنت عايز أعمل حاجة وأصورها تبقى تريند وتزود نسب المشاهدات على الصفحة بتاعتي علشان الأرباح تزيد، وبعد كده في آخر الفرح اتفقت أنا وأحمد، ومحمد،س إنهما الاثنين بعد ما أخرج من القاعة يجوا بعربية ويخطفوني جواها ونعمل مقلب في الناس وبعد كدة ننزله على اليوتيوب".

 

وأشار عريس الدقهلية أمام النيابة: "فعلا هما عملوا اللي أنا قلتلهم عليه وجهم بعربية وخطفوني وأنا روحت ونمت، ولما صحيت لقيت المقطع على اليوتيوب ولقيت أهلي منزلين مقطع إنهم بيدوروا عليا روحت ناشر مقطع الفيديو الثاني اللي كنت مصوره وبشرح فيه إن أنا هعمل تريند وهعمل مقلب في الفرح بتاعي".

 

واستطرد: "أنا معايا السلاح وبشيله معايا علشان بسافر ويبقى معايا حمايا ومعرفش إن في ترخيص للمسدس الصوت، وأنا عندي صفحة على اليوتيوب اسمها جمهورية أحمد وأمل وبعمل فيها مقالب، وعملتها من حوالي ثلاث سنوات، عشان أكسب فلوس منها عن طريق الإعلانات والمشاهدات".

 

واختتم المتهم عريس الدقهلية حديثه وقال: "أنا صورت المقطع دا علشان بنهزر والمتابعين تزيد وأرباح القناة تزيد، وعملت الموضوع كله على سبيل الهزار ومعرفش إنه هيوصل لكل ده".

 

كشفت تحريات الأجهزة الأمنية بمديرية أمن الدقهلية في واقعة ضبط الشاب صاحب مقطع الفيديو الذي يظهر فيه اختطافه لحظة خروجه من حفل زفافه في الدقهلية، أن الشاب متزوج منذ 3 سنوات ولديه أطفال.

 

وأضافت التحريات أن العروس التي ظهرت في الفيديو زوجته منذ 3 سنوات ولديها منها أطفال، وأن المتهم ينفذ تلك الواقعة كل عام في عيد زواجه.

 

يمكنك مشاركة الخبر علي صفحات التواصل