شاركت شيماء سيف مقطع فيديو عبر حسابها الرسمي بموقع انستجرام وقالت: ليه أي فنان مصري لما بيسافر أي بلد عربي بيحصل عليه هجوم لمجرد أنه يجامل البلد أو يعني لها او يشكر فيها، ما احنا حسين الجسمي بيغني أغاني مصرية محدش يعني أعلن عليه الحرب ولا نانسي عجرم لما غنيت لو سالتك انت مصري اللبناني بيغني معاها لأنهم بيحبوها.

تابعت: إحنا كلنا بنحب كل البلاد العربية لبنان والسعودية والكويت والعراق كلهم طبيعي لما احنا نروح اي بلد زي محمد حماقي لما غنى انا جدة حبيبتي هو مسجلش الأغنية باسمهم هو بيجاملهم لما لقى محبة وترحب من بلد جميلة وشعب أجمل.

أضافت: دي مجاملة بسيطة دا مش معناه إنه سجل الأغنية بأسمائهم احنا نقابل الناس بترحاب زي ما بيقبلونا بكل ذوق وكل حاجة حلوة .. بلاش توصلونا نبقى خايفين إيه اللي هيتقال علينا لو عملنا حاجة معينة لأننا فنانين لما حد بيحبنا لأننا بنمثل مصر ومصر طول عمرها بتحب كل الناس.

يمكنك مشاركة الخبر علي صفحات التواصل