كشف مطرب المهرجانات رضا البحراوي عن حقيقة خلافاته مع محمود الليثي وحمادة الأسمر، حيث قال إنه لا توجد أي خلافات بينه وبينهما، مشيرا إلى أنه يتمنى الخير للجميع.

كتب رضا من خلال حسابه بموقع التواصل الاجتماعي “فيس بوك”، ” الحمد لله والفضل والشكر لله وحده الذي أنعم علينا بسلامة الصدر ونقاء السريرة فوالله ما أذيت أحداً ولا سعيت في ضرر إنسان والحمد لله الذي جعل قلبي عامرا بالخير”.

أضاف، “أنا حابب أوضح للناس كلها أن أخويا وحبيبي محمود الليثي وأخويا حمادة الأسمر ما فيش بينا أي عداوة احنا كلنا إخوات وكلنا راجل واحد ومحبتي لكل الناس في المجال وخارج المجال معروفة ، أنا طول عمري بقف جنب الكل وبحب الخير لكل الناس ولا عمري حقدت على حد ولا بصيت لحد”.

تابع، “والحمد لله أنا ماشي وربنا هو اللي ساندني وبوجه كلامي لكل زمايلي في المجال احنا كلنا إخوات لازم نحب الخير لبعض ونفرح لنجاح بعض لأن الدنيا فانية والسيرة الطيبة هي اللي باقية
وخلوني أوضح إن كلامي ده نابع من ثقتي بنفسي ومن أصلي مش خوف من حد فالقوة من الله وحده”.

واختتم، “وفي الختام بوجه رسالة للأستاذ طارق عبد الستار وبقوله معلش يا حبيبي المسامح كريم وأنا عارف إنك خايف عليا وزعلان عشاني ومقدر جدا خوفك ده ومحبتك ليا وبقولك احنا كلنا إخوات وما فيش عداوة بينا والقلوب الصافية هي اللي بتبني وكل تقديري واحترامي ليك إخواتي وحبايب قلبي بحبكم في الله .. أخوكم رضا البحراوي”.

نسخ الرابط تم نسخ الرابط

إتبعنا