هاجمت الفنانة المعتزلة شمس البارودي، منتقدي الفنانة شهيرة بعد تكريمها في المهرجان القومي للمسرح وذلك من خلال فيديو نشرته عبر حسابها بموقع التواصل الاجتماعي “فيس بوك”.

قالت شمس في الفيديو، ” أنا عاوزة أدافع عن شهيرة الست دي رقي الدنيا فيها حد عارف إن في آخر 5 سنين جوزها مكنش يعرف حد غيرها، في قانون اسمه العيب ياريت الريس يفعله لأن كدا مينفعش”.

وفي السياق ذاته، حرصت الفنانة شهيرة على الرد على منتقديها من خلال حسابها بموقع التواصل الاجتماعي “فيس بوك”، حيث كتبت: “أنا مستغربة جدًا، هو فيه إيه يا جماعة ؟، هو مابقاش فيه حد في مصر تتكلموا عنه غير العبدة لله، النفس اللي بتنفسه”.

تابعت، “الكلمة اللي أقولها تتحور ويبقي لها معاني أخرى، علشان البعض يلم مشاهدات من وراء الفنان، وعلشان عارفين إن أنا تريند على طول فتستغلون وتتبسطوا وتفرحوا وتاكلوا من ورانا بالباطل”.

واختتمت، “بقول للناس دي اتقوا الله، لأني بدعي على كل إنسان تجاوز في حقي، وتقول عليا بما ليس في وحسبنا الله ونعم الوكيل، ده غير إني هقتص منكم يوم القيامة فردًا فردًا، وشيلوا بقى ذنوب كالجبال ، والله علي كل شيئ قدير، جمعه خير وبركة على كل حبايبي”.

نسخ الرابط تم نسخ الرابط

إتبعنا