تصدرت الفنانة حنان مطاوع، محركات البحث على «جوجل»، بعد تصريحاتها الأخيرة عن حياتها العائلية وعلاقتها بزوجها المخرج أمير اليماني، كما كشفت العديد من الأسرار الجديدة عنها لأول مرة، وطبيعة علاقتها بوالدها.

حنان مطاوع تكشف طريقة تربيتها لابنتها

وتحدثت حنان مطاوع خلال لقائها في برنامج «on the road»، عن طريقة تربيتها لابنتها أماليا، قائلة: «التربية لازم تبتدي من درجات من الوعي لأنك بتشكل كيان، بتبقي سبب في إنه اللي قدامك دي تبقى شخصية متصالحة ومتزنة وعارفة نفسها وبتشوف العالم من عينيكي وبعينيكي.. لازم تبقي واعية كويس قوي يعني إيه تردي على أسئلتها، تشكلي وعيها ووجدانها».

وتابعت: «لازم تبقى الأم صاغت تجربة حياتية مكتملة، حققت وعملت رحلة صح، مش لسه بتكتشف العالم وبنكتشفه.. أنا بحاول طول الوقت أملى حياة أماليا، أقربها من صحابها، بنخرج كثير قوي، أنشطة كثير ورياضة كثير في الأيام اللي مافيهاش مذاكرة.. بس هي كثير شبهي على فكرة، حنونة قوي ورقيقة، ربنا يستر عليها في الزمن ده، وعايزة كل حاجة تبقى صح قوي ومنظمة قوي».

حنان مطاوع توضع سبب ابتعاد ابنتها على السوشيال ميديا

وأوضحت حنان مطاوع عن السبب وراء ابتعاد ابنتها عن مواقع التواصل الاجتماعي، مشيرة إلى محاولتها لحماية حياة ابنتها الخاصة، قائلة: «مافيش سوشيال ميديا.. أنا بحافظ إنه طفولتها ما تتسرقش، يبقى باختيارها، يمكن كمان سنتين ثلاثة تقول لي أنا عايزة أبقى شخصية وأعمل حاجات أو أغني أو أمثل، وممكن تقول لي لا أنا مختارة إني أبقى بعيد».

وأضافت: «عايزاها تبقى عندها إرادة حرة وعايزاها تحس إنها مميزة عشان فعلها مش علشان أبوها أو أمها، غير إن أحيانًا بيبقى في تعليقات جارحة جداً، إحنا الكبار وما بنتحملهاش، ما بالك الصغار؟ فليه تدفع ثمن شيء هي لسه ما اختارتوش ومش مؤهلة له».

حنان مطاوع تكشف عن أسرار لأول مرة

وتطرقت حنان مطاوع إلى الحديث عن حياتها الزوجية، كاشفة عن أسرار لأول مرة عن حياته مع زوجها أمير اليماني، مؤكدة أن السنة الأولى من زواجهما كانت مرحلة للتكيف على الحياة الجديدة، وإيجاد أرضية مشتركة بين عالميهما المختلفين، كما أوضحت أنها اعتبرتها الفترة الأكثر صعوبة في الزواج.

وقدمت عددا من النصائح للجمهور من واقع تجربتها، قائلة: «السنة الأولى وحشة قوي، أنا دايماً بقول إن بجد لازم اللي يعدي السنة الأولى دي نقول له برافو عليك، السنة الأولى أنت عالم وعايش بتفاصيلك وهو عالم وعايش بتفاصيله، ازاي أنتم الاثنين بتدخلوا العالمين في بعض وبتلاقوا أرض مشتركة وصيغة مشتركة».

وأكدت حنان مطاوع أن السبب وراء الزواج الناجح هو الاعتماد على طريقة التعامل والتفكير بطريقة «نحن»، وليس كل شخص بمفرده، وكشفت عن الاختلافات بينها وبين زوجها، مشيرة إل أنها شخصية منظمة تعتمد على روتين محدد في حياتها، ولكن زوجها ليس له نظام محدد ومتقلب، ولكنهما يتفقان في أساسيات الحياة، وقالت: «الحمد لله هذا الأفضل لي بكل اختلافاتنا، ومتوافقين في الحاجات الأساسية، والاختلاف جميل بيدي للحياة طعم، رغم إننا تقريباً في نفس المجال، بس هو في عالم وأنا في عالم ثاني».

حنان مطاوع تسترجع ذكريات مؤثرة في وداع والدها

واسترجعت حنان مطاوع، ذكرياتها مع والدها الفنان الراحل كرم مطاوع، وتفاصيل أيامه الأخيرة، قائلة: «بابا كان حبيب قلبي وهو الراجل الأول في حياتي والحب الأول كرجل في حياتي.. بس بابا كان ثقيل وكتوم وجواني وصعب الإفصاح عن مشاعره، كان بيحبني زي ما بيحب في المسلسلات، النظرة الرومانسية والحنية بس على الثقيل.. أدركت وقدرت ده لما كبرت مش وأنا صغيرة، كنت عايزة الأشياء المباشرة».

وأشارت إلى استمرار زيارتها اليومية له في المستشفى في آخر أيام حياته، موضحة أنها تأخرت يوم وفاته على الذهاب للمستشفى بدون سبب، مما جعلها لا تشهد اللحظات الأخيرة في حياة والدها، قائلة: «كنت أصغر وأضعف من إني أشوف التجربة دي.. لحد ما رحت المستشفى ولقيت صحفيين تحت ففهمت إن في شيء فوق مش طبيعي.. طلعت فوق ودخلت ولقيت بابا.. فضلت مش فاهمة حاجة.. نسيت اللغة ونسيت ترتيب الأشياء ونسيت كل حاجة، تجربة كانت أكبر، أنا لسه سايباه من كام ساعة ومش فاهمة يعني إيه موت، ومش فاهمة يعني كده خلاص العلاقة انتهت ومسمعش صوته ثاني».

وأضافت: «إلى إن أدركت إن الصلة ما بتنتهيش بالوفاة، الصلة بتنتهي بوفاتي أنا، دي ريحتني.. هفضل أحاول أبقى خير امتداد ليه، أعمل له صدقات وأبقى مثال كويس».

اقرأ أيضاً
حنان مطاوع تروي تجربة زواجها في برنامج «on the road»

حنان مطاوع: أسوان ساحرة ومهرجانها يحكي حكايات حقيقية عن المرأة

حنان مطاوع ضمن لجنة تحكيم مهرجان أسوان لأفلام المرأة