تحدثت الممثلة الأردنية فيدرا عن حبها الكبير للكلاب، وأثارت الجدل بتأكيدها مساعدتهم لها بالمحافظة على صلاتها.

وقالت فيدرا: "كنت بصور من 13 سنة في إعلان كمخرجة فنية مع المخرج شريف صبري وبطله كان جورج قرداحي، على النيل، وفي الاستراحة الكل كان جعان وخد الأكل، وانا في الكابينة شوفت عامل سايب الزيطة كلها وفارد سجادة الصلاة وبيصلي منه للمياه والشجر، قولت أنا عايزة اعمل زيه، حسيت بسلام مرعب، حسيت إنه غيرنا. أنا طول عمري عندي مشكلة في صحيان الفجر، اصحى الساعة 7 أو 6، مابعرفش اصحى في الظلام، مرة كنت قاعدة مع خد وأنا عندي كلاب، وقال لي أنتِ عندك عكوسات علشان الكلاب، وأنا لا اقتنع بهذا الكلام نهائي، ووقتها كان عندي مشكلة صلاة الفجر، وقولت الرجل دا مش عايز اشوفه تاني، ونمت الساعة 12 عادي في ميعادي، وبعدها لمدة أسبوع كل يوم الفجر، كلاب الشارع اللي أنا بأكلها تهوهو تحت الشباك، فألاقي الكلاب بتصحيني الفجر، فأصحى وأتوضى وأصلي وأقولهم شكرا عشان صحتوني، ولمدة أسبوع واختفوا، ومن وقتها وأنا اصحى اسمع صورة البقرة واتوضأ وأصلي، وأعمل القهوة وأقعد الثلاث ساعات اقرأ القرآن وأسبح".