كسرت وفاء مصطفى، زوجة مصطفى محمد زكي عبد الرؤوف، الملقب بـ «زيكو»، لاعب بيراميدز ومنتخب مصر، عن صمتها للرد على الانتقادات التي تعرضت لها خلال الساعات الماضية، بعد الهجوم عليها بسبب مقطع فيديو اعتبره البعض إساءة لوالدة اللاعب عقب ظهورها الإعلامي.

وكانت والدة زيكو قد قالت في تصريحات عبر برنامج «صبايا الخي»: «زيكو مكانش بيطيق حد يقول لي كلمة أو يزعلني، أنا فرحانة بالمكانة اللي هو فيها، بس الكرة أخذته مني كثيرا، لكنها وظيفته، وهو وحشني جدًا، ولم يأتي لي حتى الآن بعد العودة من أمريكا، بسبب الاحتفالات، كل شوية يتواصل معي هاتفيا، لكن الاحتفالات واخداه مني، زيكو فضل عمله عن الحياة الأسرية، وأي لاعب مثله».

وأضافت: «اتصلت بيه وقلت له نفسي أروح الاستاد وأقابلك هناك طالما مش فاضي تيجي، قال لي هتبقى بهدلة وناس كتير، أقوله طب هتيجي إمتى؟ يقولي هخلص الاحتفالات وهجيلك، أنا كنت في حياته رقم واحد، ودلوقتي مراته بقت رقم واحد وأنا رقم اثنين».

واختتمت: «راضية وقابلة، أنا متحضرة ومتعلمة، لست جاهلة، هو راجع على احتفالات ولقاءات، وكان يحضر نفسه، لكن أنا فرحانة بيه، ده ابني وأنا اللي ربيته».

رد زوجة زيكو

وقالت زوجة زيكو، عبر حسابها على مواقع التواصل الاجتماعي «إنستجرام»: «أولا أنا مش مضطره اطلع أبرر أي حاجة من دي علشان فعلا ربنا اللي يعلم بنية كل الناس بس بجد الناس اخدت الفيديو بتاعي بطريقه وحشه جدًا وأنه على مامت زيكو وان أنا كدا بضايقها ومن ساعتها نازلين فيا شتيمة وأنا أصلا معملتش أي حاجه والله دا كان فيديو عادي مش أكثر من ضحك وهزار بيني أنا وجوزي وأصلا مكنتش شوفت حلقة مامته لسه ولا عرفت أي حاجه أنا نزلته هزاز علشان الكومنتات بتاعت البنات الي بتجيلي وأنهم بيحبوه ومعجبين بيه وكانت صيغه هزار والله بس مش اكتر».

وأضافت: «ثانيا هي زي أمي واللي أنا مش هقبله ع أمي مش هقبله عليها أصلا وأنا بالنسبالي الراجل اللي مش بيتقي ربنا ف أمه عمره م هيتقي ربنا ف مراته ولا ف أولاده لأني مقتنعه ان مفيش أغلى من الأم ف الدنيا وأنا كمان أم عايزة أقول إنها عمرها ما تتقارن بحد حتى لو أنا هي ليها مكانتها الخاصه وانا ليا مكانتي».